ኣብ ኦሪት ዘፍጥረት ምዕራፍ 1፡26-31 ሞዕራፍ 2 ፡ 1-2 እንተ ተመልኪትና እግዚኣብሔር ብሻድሸይቲ መዓልቲ ( ዓርቢ ) ብመልክዑን ብኣምሳሉን ሰብ ከምዝፈጠረን ብሻብዐይቲ መዓልቲ ካብቲ ዝገበሮ ግብሩ ኩሉ ከምዝዓረፈ ንምልከት።

እቲ ብዓርቢ ዝተፈጥረ ሰብ ብዓርቢ ንፈጣሪኡ ሰቒሉ! ጎይታናን ኣምላኽናን መድሓኒናን ኢየሱስ ክርስቶስ ንዝኣምን ኩሉ ይክኣሎ እዮ ከምዝብለና ፍጡር ንፈጣሪኡ ብኸመይ ከምዝሰቐሎ ክንርደኦ ክኢልና!! ነዚ ከነስተውዐል ኣእምሮና ዘስፍሐ ልዑል እግዚኣብሔር ይኽበር ይመስገን!!


Posted by admin on 04/17/2020 \| Viewed 260 times

ጾመ አርብዓ

ርሑስ ዓብዪ ጾም ይግበረልና!!

1ይ ዘወረደ 2 ቅድስት 3- ምኩራብ 4 መጻጉዕ 5-ደብረዘይት 6-ዘ ገብር ሔር 7- ኒቀዲሞስ 8 -ሆሳእና

ሓሙስ ጽግቦ

ጎይታ ኣብ ቅፍር ናሆም ብዛዕባ እንጌራ ክምህሮም እንከሎ ከምዚ ኢልዎም ነበረ፥ ዮሃ፥፮፡ ፳፭ - ፶፰

፳፭- ኣብ ስግር ባሕሪ ምስ ረኸብዎ ኸኣ፥ ረቢ፡ መኣዝ ናብዚ መጻእካ፡ በልዎ። ፳፮ - ኢየሱስ ድማ፥ እትደልዩኒ ዘሎኹምሲ እንጌራ ስለ ዝበላዕኩምን ዝጸገብኩምን ኢኹም እምበር፡ ተኣምራት ስለ ዝርኤኹም ከም ዘይኰንኩም፡ ብሓቂ ብሓቂ እብለኩም ኣሎኹ። ፳፯ - ወዲ ሰብ፡ ንእኡ ኣቦ፡ ንሱ ኸኣ ኣምላኽ፡ ሓቲምዎ እዮ እሞ፡ ነቲ ንሱ ዚህበኩም ንዘለኣለም ህይወት ዚነብር ብልዒ እምበር፡ ነዚ ሓላፊ ብልዒ ኣይትግበሩ’ ኢሉ መለሰሎም። ፳፰ - ስለዚ ንሳቶም፥ ግብሪ ኣምላክ ክንገብርሲ እንታይ ንግበር፡ በልዎ። ፳፱ - ኢየሱስ ከኣ። ግብሪ ኣምላኽ በቲ ንሱ ዝለኣኾ ኽትኣምኑ እዮ፡ በሎም። ፴ - ስለዚ፥ ርኢና ክንኣምነካስ እንታይ ትእምርቲ እሞ ትገብር? እንታይከ ትገብር ኣሎኻ? ፴፩ - ኣቦታትና፡ ከምቲ ኺበልዑ ኻብ ሰማይ እንጌራ ሃቦም፡ ዚብል ...

full article here >>


Posted by admin on 04/16/2020 \| Viewed 3448 times

ሓበሬታ

ሓ በ ሬ ታ

በስመ አብ ወወልድ ወመንፈስ ቅዱስ አሐዱ ኣምላክ ኣሜን።

ክቡራት ምእመናን ከም ፍቓድ እግዚኣብሔር ኣብ ሰሙነ ሕማማት ብ paltalk ኣብ ገዛና ወይ ኣብዘለናዮ ኮይና ክንከታትሎ ከም እንኽእል ተዳልዩልና ኣሎ። ኩላትን ኣብ ቤተክርስትያን ከምዘለና ኾይና በቲ ዝውሃበና ሓበሬታ እናተመራሕና መጽሓፍ ቅዱስ፡ መዝሙርዳዊት ኣዳሊና ዝውሃበና ንባብ ፡ ስግደት ከምእንከታተል ተዳልዩ ኣሎ። ንከታተለሉ ERITREAN ORTHODOX TEWAHDO CHURCH እዩ፡ ካብ ቤተክርስትያን ቅድስት ማርያም ኦስሎ ብቐጥታ ዝሓልፍ ምደብ ኣሎ ፡ ንዘይፈልጡ ክንሕብር ወይ ኣፍልጦ ዘይብሎም ዓበይቲ ክንተሓባበር ናይኩላትና ሓላፍነት እዩ።

እግዚኣብሔር ምሕረቱ የውርደልና!!

ቤተክርስቲያን ቅድስትማርያም ኦስሎ ኖርወይ


Posted by admin on 04/12/2020 \| Viewed 340 times

8ይ ሰሙን ሆሳእና

ትምቢት ዘካርያስ 9፡9 ኣቲ ጓል ጽዮን ኣዚኺ ተሓጎሲ፡ኣቲ ጓል ዮርሳሌም እልል በሊ። እንሆ ንጉስኪ ጻድቕ፡መድሓንን ትሑትን እዩ፡ኣብ ኣድጊ ኣብ ጻዕብ ኣድጊ ተወጢሑ ናባኺ ይመጽእ ኣሎ።

ከም ትምቢት ነብዪ ዘካርያስ ‘‘ኣቲ ጓል ጽዮን ኣዚኺ ተሓጎሲ’’ይብል። ሓጎስን ኣዚኻ ምሕጓስን ፍልልይ ኣለዎ ምናልባት ተሓጒስና ስሒቕና ንኸውን ኣዚና ኣብዝተሓጎስናሉ ግዜ ኸኣ ነቢዕና ንኸውን ኢና ከምቲ ኣብ ወንጌል ማቴዎ 21 ፡ማርቆስ11 ፡ ሉቃስ 19 ፡ ዮሃንስ 12 :ተጻሒፉልና ከምዘሎ ኣብ ቤተ ፋጌ ምስ በጽሐ ሃዋርያት ልኢኹ ነታ እስርቲ ኣድጊ ምስ ዒሉኣ ፈቲሕኩም ኣምጽኡለይ…ከምዝበሎም ንጎይታ ነድልዮ ኢና፡ ሃዋርያት ካህናቱ ልኢኹ ካብ ሓጥያትና ኣንጺሆም ብማእሰር ቕንዕቲ ሃይማኖት ክሳብ ምጽኣት ምስንጸንዕ ኣብ የማኑ ከቕምጠና ስለዝክኣሎ እቶም ሃይማኖትና ከየቃለልና ብማእሰር ቅንዕቲ ሃይማኖት ጸኒዕና ዘለና ኣዚና ንትሓጎስ!!