ጾመ ነቢያት

በስመ ኣብ ወወልድ ወመንፈስ ቅዱስ ኣሐዱ ኣምላክ ኣሜን!!

  ጾመ ነቢያት ካብ 15 ሕዳር ክሳብ 29 ታሕሳስ ልደት ጎይታናን መድሓኒናን ኢየሱስ ክርስቶስ ይጽወም ! ጾመ ነቢያት፡ ነቢያት ዝጾምዎ ከምዝኾነ ካብ ዝተውሃቦ ስም ንርዳእ!  ነቢያት ይፈልጡ ከምዝነበሩ ኩለን መጽሓፍ ቅዱስ ዝጥቀማ ሃይማኖታት ዝሰማምዓሉ እዩ! ከምቲ ስምኦን ኣብ ወንጌል ሉቃስ 2፡34 ‘‘… እንሆ እዚ ንብዙሓት ኣብ እስራኤል ንምዳቖምን ምትንሳኦምን… ’’ ከምዝበላ ዝወድቕን ዝትንስእን ምፍላዩ ኣየሸግርን እዩ!!

  ነቢያት ጎይታ ዝውለደሉ ግዜ ከምዝኣኸለ ኣስተውዒሎም ጾሙ! ንሕና ኸኣ ኣሰር ኣቦታትና ተኸቲልና ካብ ሕዳር 15 ጀሚርና ክሳብ 28 ታሕሳስ ጼምና 29 ታሕሳስ ናይ ጎይታናን ኣምላኽናን መድሓኒናን ኢየሱስ ክርስቶስ ልደት ነብዕል። እዚ ከም ዕ ሽነት ዝቖጽርዎ ኣለዉ፡ ኣብቲ ከስተውዕልዎ ዘይክኣሉ ንኸእትዉኻ ዝጋደሉ ብዙሓት ኣለዉ እሞ ምስትውዓል ይሓትት እዩ! መጀመርያ ዓቕምኻ ምፍላጥ እዩ! መኽንያቱ ብዛዕባ ሃይማኖትካ ጎደሎ ኣለዎ ኢሎም ዝመጽኡኻ  ስርሖም እምበር እምነቶም ስለዘይኮነ እዩ! ንምእመናን ከሰናኽሎም ወይ ከጠራጥሮም ዝኽእል ዝብልዎ ቃላት ንኸናድዩ ኣይድቅሱን እዮም! ከይፈለጥካ ምስእትጸንሕ ከኣ ኣብ ...

በስመ ኣብ ወወልድ ወመንፈስ ቅዱስ ኣሐዱ ኣምላክ ኣሜን!!

5 ሕዳር ርእሲ ቅዱስ ለንጊኖስ ዝተረኽበሉ መዓልቲ እዩ። ቅዱስ ለንጊኖስ ጎይታ ምስ ተሰቕለ ምሟቱን ሃለውቱን ከረጋግጽ ጎድኑ ብ ኲናት ዝወግኦ እዩ።  ድሕሪኡ ግን ናብ ሃዋርያት ቀሪቡ ብጎይታ ከምዝ ኣምንን እንታይ ክገብር ክምዝግቦን ተወክሶም፡ ሃዋርያት ከኣ ኩሉ ኣረዲም ወንጌል ንኽሰብኽ ናብቲ ብጽሒቱ  ሃገረ ቀጶደቂያ ተላእከ፡ ብስብከቱ ዝተቖጥዑ ከሓድቲ ኣይሁድ ተንስእዎ ናይሓሶት ክሲ ኣብ መኳንንቲ ኣቕሪቦም ከኣ ርእሱ ኣሰየፍዎ። ርእሱ ፈሊዮም ከኣ ን ኢዮርሳሌም ወሰድዋ  ኣብ ኢዮርሳሌም ዝነብሩ ኣይሁድ ከኣ ምስረኣዩዋ ብዙሕ ተደሰቱ። ካብ ኢዮርሳሌም ኣውጺኦም ከኣ ቀበርዋ።

 ድሕሪ ብዙሕ መዓልታት ኣብ ቀጶዶቅያ ብስብከት ለንጊኖስ ዝኣመነት ሰበይቲ ነበረት ካብቲ ርእሱ ዝቖረጽሉ ግዜ ጀሚራ ኣብቲ ዝቖረስሉ ኮይና ስሊኡ ትበኪ ነበረት፡ ብፍቓድ ኣምላኽ ከኣ ኣዒንታ ዓወራ፡፡ ድሕሪዚ ኣብ ቅዱሳት ቦታ መቓብር ጎይታ ተሳሊመ ኣዒንተይ እንተ ተኸፍታ ኢላ ወዳ መሪሕዋ ኒዮርሳለም ከደት ኢዮርሳለም ምስበጽሑ ኸኣ ወዳ ሞተ፡ ሓዘና በርትዐ፡ መሪሁ ንሃገራ ዝወስዳ ከኣ ሰኣነት፡ መሪር ብኽያት እናበኸየት ከኣ ድቃስ ወሰዳ እሞ ሕልሚ ሓለመት ...